В Атырау +2 
Атыраудағы «Мұнайшы» стадионы елімізде тұңғыш рет арба пайдаланатын адамдарға арналған республикалық марафонға куә болды. Жарысқа 30-дан астам қатысушы қатысты.
39 жастағы Гүлзира Мұратқызы 400 метр қашықтықта бірінші орынды жеңіп алды.
Ол: «Бұл – өзімді жеңген сәтім. Осындай шаралар бізге еркіндік пен күш береді» – деді.
Марафонды ұйымдастырған «Біз де адамбыз» қоры 2020 жылы құрылған. Қор инклюзивті театрды дамытуға, спорттық және мәдени жобаларды жүзеге асыруға бағытталған.
Сондай-ақ Атыраудағы мыңнан астам нысанның қолжетімділік картасын жасаған. Жобада «Теңізшевройл» компаниясы серіктес ретінде қолдау көрсетіп, мүмкіндігі шектеулі жандарға жаңа бағыттар ашуды мақсат етеді.
12 қыркүйек, 12:53