Павлодарда полиция алаяқтық схемаларда пайдаланылған SIM-box жабдығын тәркіледі

Павлодарда полиция алаяқтық схемаларда пайдаланылған SIM-box жабдығын тәркіледі, - деп хабарлайды Polisia.kz.

Павлодар қаласындағы пәтерлердің бірінен арнайы жабдық пен телефон карталары қойылған жасырын кеңсе анықталды. Тергеу барысында облыс орталығының 30 жастағы тұрғыны биылғы жылдың 12 маусымынан бастап SIM-box құрылғысын қолданғаны белгілі болды. 

Күдіктінің негізгі міндеті – SIM-карталарды тіркеп, оларды SIM-box-қа орнату болған. Тінту кезінде тәртіп сақшылары 32 слотты SIM-box құрылғысын, MikroTik желілік трафикті басқару құралдарын, ұялы телефондар мен ноутбукті тәркіледі. Аталған дерек бойынша сотқа дейінгі тергеу басталды. 

Күдікті Павлодар қаласы полиция басқармасының уақытша ұстау изоляторына қамалды.