​Тимур Әбілқасымов Қаржы нарығын реттеу және дамыту агенттігі төрағасының бірінші орынбасары болды

Мемлекет басшысының өкімімен Тимур Бөкейханұлы Әбілқасымов Қазақстан Республикасының Қаржы нарығын реттеу және дамыту агенттігі Төрағасының бірінші орынбасары болып тағайындалды, ол бұрынғы атқарған лауазымынан босатылды, деп хабарлайды Ақорда. 

Білімі: Қазақстан Менеджмент, Экономика және Болжау институтын (ҚМЭБИ, 2012); «Бизнес экономикасы және мемлекеттік саясат экономикасы» мамандығы; London School of Business and Finance (Ұлыбритания, 2015); Жаһандық іскерлік басқару магистрі

Еңбек жолы:

• «Kazinvest Bank» АҚ банк портфелін басқару және есептілігі жөніндегі маманы, нарықтық тәуекелдер және өтімділік тәуекелдері бөлімінің бастығы
• «ҚазМұнайГаз Өнімдері» ЖШС тәуекелдерді басқару және ішкі бақылау қызметінің басшысы (01.2016–02.2017)
• «Қазақстан темір жолы» ҰК» АҚ Тәуекелдерді басқару департаменті директорының орынбасары (04.2017–08.2018)
• Radius Advisory Lab консалтингтік компаниясының аға серіктесі (09.2018–04.2021)
• ҚР Қаржы нарығын реттеу және дамыту агенттігі Төрағасының кеңесшісі (05.2021–02.2024)
• «NAC Analytica» корпоративтік қорының Басқарма Төрағасы (02.2024–08.2024)
• ҚР Қаржы нарығын реттеу және дамыту агенттігі Төрағасының орынбасары (09.2024 бастап)

Мемлекет басшысының тағы бір өкімімен Нұрлан Алмасұлы Әбдірахманов Қазақстан Республикасының Қаржы нарығын реттеу және дамыту агенттігі Төрағасының бірінші орынбасары лауазымынан босатылды.