Әскерге шақыру: кімге борышын кейін өтеуге болады және қашқындарға қандай жаза қолданылады

Қазақстанда күзгі әскерге шақыру науқаны басталды. Маусымның соңына дейін мерзімді әскери қызметке шамамен 22 мың жас қазақстандықты жіберу жоспарланып отыр. Осыған байланысты билік әскери борышын өтеуді кейінге қалдыру немесе босатылу құқығы кімдерге берілетінін, іріктеу қалай өтетінін және әскерден қашқаны үшін қандай жаза қолданылатынын еске салды.

Кім кейін өтей алады:

Мерзімді қызметті кейінге қалдыру:

• Отбасылық жағдайларға байланысты;
• Оқуды жалғастыру үшін;
• Денсаулық жағдайына байланысты;
• Педагог пен ауыл дәрігерлеріне — жұмыс істеу мерзіміне;
• Парламент және мәслихат депутаттарына;
• Сотқа дейінгі тергеуден өтіп жатқандарға;
• Әуе және су кемелері экипаждарының мүшелеріне;
• Құқық қорғау органдары академияларының тыңдаушыларына беріледі.

Кім әскери қызметтен толық босатылады:

• Денсаулық жағдайы бойынша жарамсыз болса;
• Қызмет өтпей 27 жасқа толғандар;
• Жақын туыстары қызмет барысында қаза тапқан азаматтар;
• Шетелде әскери қызмет өткергендер;
• ҚР арнайы органдарында қызмет еткендер;
• Діни қызметкерлер;
• Ғылыми дәрежесі барлар;
• Бейбіт уақытта сотталғандар.

Әскерге шақыру рәсімі қалай өтеді

Шақырылушылар жеке, жұмыс/оқу орнына немесе SMS арқылы жіберілген шақыру қағазы бойынша келуге міндетті. Барлығы медициналық куәландырудан, тестілеуден және сұхбаттасудан өтеді. Бөлініп, іріктелгеннен кейін әскери қызмет басталатын сәттен бастап тіркеу туралы бұйрық беріледі.

Шақырылушыларды қалай бөледі

Әскер түрін таңдау біліміне, денсаулық жағдайына және физикалық дайындығына байланысты. Мысалы:

• Ауылшаруашылық мамандары – Құрлық әскерлеріне;
• Инженерлер мен математиктер – ӘӘК және ӘТФ;
• Парашютшілер мен спортшылар – Десанттық-шабуылдаушы әскерлерге;
• Бойы 180 см-ден жоғарылар – Мемлекеттік күзет қызметіне;
• Ұлттық ұлан мен ТЖ үшін базалық білім және денесі шыныққан болу қажет.

Қызметтен жалтарғаны үшін жауапкершілік

• Шақыру қағазы бойынша себепсіз келмеу — 5 АЕК-ке дейін айыппұл;
• Медициналық тексеруден бас тарту — 3 АЕК-ке дейін айыппұл;
• Қызметтен жалтару — айыппұлдан 1 жылға дейін бас бостандығынан айыру;
• Әдейі зиян келтіру, сырқатты сылтаурату немесе жалғандық — ауырлататын мән-жайлармен қылмыстық жаза.

Альтернатива — Әскери-техникалық мектеп

24-тен 27 жасқа дейінгі ер адамдар үшін Қорғаныс министрлігінің ӘТМ филиалдарында ақылы әскери дайындықтан өту мүмкіндігі бар.

Мерзімі: 40 күн

Құны: 390 000 теңге

Тамақтану, киім-кешек, тұрғын үй және атыс оқуларын қамтиды

Курсты аяқтағаннан кейін мерзімді қызмет етудің қажеті жоқ.

Күзгі шақыру қараша айының соңына дейін жалғасады. Билік барлық жастарды талаптарды сақтауға және әскери комиссариаттарға кешікпей келуге шақырады.