В Атырау +12.7 
Таразда 1 қыркүйек, Білім күні қайғылы оқиға орын алды – оқушы пышақ жарақатынан қаза тапты. Бұл туралы Жамбыл облысының полиция департаментінің баспасөз қызметі хабарлады, деп жазады Hola News.
Ресми мәліметке сәйкес, оқиға бойынша ҚР Қылмыстық кодексінің 99-бабы ("Кісі өлтіру") бойынша қылмыстық іс қозғалды. Күдікті, ол да кәмелетке толмаған, ізін суытпай ұсталып, уақытша ұстау изоляторына қамалды.
"Қазір оқиғаның барлық мән-жайын анықтау үшін кешенді тергеу шаралары жүргізіліп жатыр", - деп нақтылады полиция мамандары. Өлімге әкеп соққан пышақ жарақаты жүрек тұсына салынған.
Қазіргі уақытта қайғылы оқиғаның мән-жайы мен жасөспірімдер арасында не себептен дау туғаны анықталып жатыр. Қала мектептерінде алдын алу және бақылау шаралары күшейтілді.