АҚШ шетелдік журналистер мен студенттерге визалық режимді қатаңдатуды ұсынды

АҚШ Ішкі қауіпсіздік министрлігі шетелдік журналистер, студенттер және алмасу бағдарламасы бойынша келген адамдарға визаларды беру тәртібін өзгерту туралы ұсыныс жасады. Жоспар бойынша, олардың елде болу мерзімі нақты шектеліп, бақылауды күшейту көзделеді, деп хабарлайды Report.

МВБ хабарлауынша, бұл өзгеріс ведомствоға шетелдіктердің әрекеттері мен жоспарларын уақытында бақылауға және олардың АҚШ заңдарын сақтаған-сақтамағанын тексеруге мүмкіндік береді. Ұсыныс әлі талқылауға шығарылады, бірақ жаңа ережелердің нақты қашан күшіне енетіндігі белгісіз.

Қазіргі таңда шетелдік журналистер, студенттер және алмасу бағдарламасымен келгендер I, F және J категориялы визаларды алады. Бұл визалар адам өз мақсаттары мен шарттарын орындағанға дейін АҚШ-та болуына мүмкіндік береді.

Жаңа ұсынысқа сәйкес:

• Шетелдік журналистер АҚШ-та ең көбі 240 күнге жұмыс істей алады; қажет болса мерзімін ұзартуға болады.

• Қытай азаматтары үшін бұл мерзім 90 күн деп шектелмек.

• Студенттер мен алмасу бағдарламасымен келгендер бағдарламаның ұзақтығына қарай, бірақ ең көбі 4 жыл АҚШ-та бола алады.

МВБ барлық мүдделі тараптарға 60 күн ішінде ұсынылған өзгерістерге пікір білдіруге шақырды. Айта кету керек, 2020 жылы Дональд Трамп әкімшілігі ұқсас ұсыныстар жасаған, бірақ ол кезде олар қабылданбаған. Студенттік ұйымдар әсіресе қарсы болған.