Тоқаев бірнеше елдің елшілерінен сенім грамоталарын қабылдады

Ақордада Қазақстан Президенті Қасым-Жомарт Тоқаев сегіз мемлекеттің төтенше және өкілетті елшілері мен БҰҰ өкілі Сарангоо Раднаарагчаадан сенім грамоталарын қабылдады.

Сенім грамоталарын тапсырған елшілер:

• Украина – Виктор Майко

• БҰҰ – Сарангоо Раднаарагчаа

• Үндістан – Я.К. Сайлас Тангал

• Алжир – Осман Михаджи

• Швеция – Ларс Стефан Эрикссон

• Бельгия – Эрик де Майер

• Ұлыбритания – Салли Джейн Аксуорси

• Латвия – Даце Рутка

• Грузия – Леван Диасамидзе

Мемлекет басшысы дипломаттарға Қазақстанның көп векторлы және теңгерімді сыртқы саясат жүргізетінін жеткізіп, елшілердің Қазақстанмен серіктестікті нығайтуға және кеңейтуге белсенді үлес қосатынына сенім білдірді. 

Сонымен қатар, Тоқаев елшілерді миссияларының ресми басталуымен құттықтап, мемлекет басшыларына ыстық ықыласын жолдады.