​Трамп Соросты зорлық-зомбылық наразылықтарын қолдады деп айыптады

АҚШ президенті миллиардерді қылмыстық жауапкершілікке тартуды талап етті, деп хабарлайды АА.

АҚШ президенті Дональд Трамп бизнесмен Джордж Сорос пен оның ұлына «АҚШ-тағы зорлық-зомбылыққа толы наразылықтарды қолдағаны үшін» сот алдында жауап беруі керек деді.

Өзінің платформасында жариялаған жазбасында Трамп Соросты қатты сынға алды.

«Джордж Сорос және оның тамаша радикалды солшыл ұлы бүкіл Америка бойынша зорлық-зомбылық наразылықтарын қолдағаны үшін RICO заңына сәйкес жауапқа тартылуы тиіс. Біз бұл ессіздерге елді одан әрі күйретуге жол бермейміз», — деп жазды Трамп.

Сондай-ақ ол Сорос пен оның ұлына АҚШ-та еркін әрекет етуге жол бермейтінін атап өтті.

«Сорос пен оның психопат тобы елімізге орасан зор зиян келтірді! Оның ішінде Батыс жағалауындағы ессіз достары да бар. Абай болыңыздар, біз сіздерді бақылап отырмыз», — деді Трамп.