В Атырау +4 
АҚШ президенті Дональд Трамп американдық туды қорлағаны үшін қылмыстық жауапкершілікті қарастыратын жарлыққа қол қойды. Жарлық АҚШ Ақ үйінің сайтында жарияланды, деп хабарлайды Эксперт.
Президенттің айтуынша, туды өртегендер бір жылға дейін бас бостандығынан айырылады. Дональд Трамп оны жариялау кезінде:
«Егер сіз туы өртесеңіз, сізді бір жылға түрмеге қамайды» – деп мәлімдеді (ABC News мәліметі).
Жарлықта АҚШ туы «ең қасиетті және бағалы символ, американдық еркіндік, өзіндік ерекшелік және күш белгісі» деп аталады. Туды қорлау, Трамптың сөзінше, халыққа қарсы наразылықты, зорлық-зомбылықты қоздыру немесе америкалықтарды қорқыту құралы ретінде қолданылуы мүмкін.
1989 жылы АҚШ Жоғарғы соты саяси көзқарасын білдіру үшін ту өртеу құқығын Конституцияның Бірінші түзетуімен қорғалатынын қаулы етті. Бұл түзету, атап айтқанда, сөз бостандығын қамтамасыз етеді. Алайда жарлықта Дональд Трамп бұл шешім «құқыққа қарсы әрекеттерді тудыруы мүмкін жағдайларға» қатысты емес екенін атап көрсеткен.
Сонымен қатар, президент АҚШ бас прокурорына ту қорлауы оқиғаларын басқа құқық бұзушылықтар – нәсілшілдік, кемсіту, қоғамдық тәртіпті бұзу немесе экологиялық нормаларды бұзу тұрғысынан қарауды тапсырды. Федералдық органдар осындай істерді жергілікті заңдарды бұзу, ашық өртеу немесе бұзақылық жағдайларында штаттар мен муниципалитеттерге беруі тиіс. Бас прокурор Пэм Бонди Ақ үйде жарлыққа қол қою кезінде: «Біз туымызды қорғауға мүмкіндік аламыз, бірақ Бірінші түзетуді бұзбаймыз» деп атап өтті.
Жарлық миграциялық саясатқа да қатысты. Мемлекеттік департамент, әділет министрлігі және ішкі қауіпсіздік министрлігі американдық туды қорлаған шетелдіктерге виза мен тұрғылықты рұқсат беруден бас тарту, бұрын берілген жеңілдіктерді кері қайтару және оларды елден шығару шараларын қабылдауы тиіс.