В Атырау +4 
Хан-Юнис қаласындағы (Газа секторының оңтүстігі) «Насер» ауруханасы 25 тамызда Израиль армиясының екі рет шабуылына ұшырады, деп хабарлайды АА.
Дүниежүзілік денсаулық сақтау ұйымының (ДДСҰ) Палестинадағы өкілі Рик Пеперкорн бұл эвакуация аймақтың денсаулық сақтау жүйесі мен халыққа ауыр салдарын тигізетінін хабарлады.
Пеперкорнның айтуынша, шабуыл толығымен қабылданбайтын жағдай және қазіргі кезде аурухананы эвакуациялау жоспары жоқ. Ол аурухананы алдын ала аралап, «Насер» клиникасының 300%-ға дейін толғанын, ДДСҰ максималды медициналық қолдау көрсетіп, төсектер санын көбейту жолында жұмыс істеп жатқанын айтты.
««Насер» қазіргі уақытта Газа секторындағы ең ірі мамандандырылған клиника болып табылады. Аурухана жұмысын тоқтатса, бұл денсаулық сақтау жүйесі үшін апат болар еді. Мұндай жағдайға жол беруге болмайды. Денсаулық қорғалуы тиіс», – деді Пеперкорн.
Палестина Денсаулық сақтау министрлігінің хабарлауынша, шабуыл салдарынан 20 адам қаза тапқан, олардың ішінде 5 журналист және 5 медициналық қызметкер бар. Израиль армиясы шабуылға жауапкершілікті өз мойнына алып, журналистерге бағытталғанын жоққа шығарды. Тель-Авивте оқиғаны тергеу басталғаны хабарланды.