Шымкенттегі әкім орынбасарына оқ атушы 9 жылға сотталды

Қылмыстық істер жөніндегі ауданаралық сот Шымкент қаласы әкімінің орынбасары Руслан Берденовке жасалған қастандыққа қатысты іс бойынша үкім шығарды, деп хабарлайды ҚазАқпарат.

Сот шешімімен Ернар Жиембай 9 жылға бас бостандығынан айырылды. Үкім заңды күшіне енген жоқ, оған шағымдануға мүмкіндік бар.

Еске салайық, 21 сәуірде Руслан Берденов қалалық әкімдік ғимаратының жанында жарақат алып, ауруханаға түскен. Ол ақпан айында Шымкент қаласы әкімінің орынбасары болып тағайындалған еді.