В Атырау 0 
ҚР Ұлттық банкі 2025 жылдың II тоқсанындағы 3454 кәсіпорынға жүргізілген сауалнаманың қорытындысы бойынша салалық конъюнктуралық шолуды жариялады, деп хабарлайды Atameken Business.
Бизнес үшін негізгі кедергілер
Кәсіпорындардың бетпе-бет келетін басты проблемаларының қатарында:
- жоғары бәсекелестік — сауда және өңдеу өнеркәсібінде;
- салықтық ауыртпалық — тау-кен өндіру саласында;
- білікті кадрлардың тапшылығы — ауыл шаруашылығында; экономиканың жалпы жағдайы — құрылыс, көлік және қоймалауда.
Өндіріс пен жұмыспен қамту динамикасы
Өндіріс көлемінің өсуі тек сауда саласында тіркелді. Бұл ретте жұмыспен қамтылғандар саны өңдеу және тау-кен өндіру өнеркәсібінде, сондай-ақ ауыл шаруашылығында артты.
Жалақының төмендеуі және борыштық жүктеме
Өңдеу, тау-кен өндіру өнеркәсібі мен құрылыста жалақыны қысқартқан кәсіпорындар саны артты.
Сауда және құрылыстан басқа барлық секторларда қысқа мерзімді міндеттемелерге қызмет көрсету бойынша көрсеткіштер нашарлады.
Инвестициялар және несиелендіру
Тау-кен өндіруден басқа барлық салада инвестицияларды өз қаражаты есебінен қаржыландыру мүмкіндігі өсті.
Орташа несиелік жүктеме ең жоғары көрсеткіш көлік және қоймалауда (14,5%), ал төмені — ауыл шаруашылығында (7,4%).
25 кәсіпорынға несие беруден бас тартылды.
Несиелендіру шарттарына наразы компаниялардың ең көп үлесі — құрылыста (17%).
Теңгемен берілетін несиелер бойынша ең жоғары мөлшерлеме құрылыс саласында (19,8%) тіркелді, валютамен — ауыл шаруашылығында (6,5%).
Валюталық есеп айырысу және тәуекел
Ресей рублі тау-кен өндіруден басқа барлық салаларда басым валюта болып қала береді (онда АҚШ доллары көшбастап тұр). Теңгемен есеп айырысудың ең үлкен үлесі өңдеу өнеркәсібінде тіркелді (22%). Кәсіпорындар рубльдің теңгеге қатысты бағамының ауытқуының теріс әсерінің барлық дерлік салада өскенін атап өтті.