Қазақстанда оқу жылы ұзара ма?

Білім және ғылым министрі Ғани Бейсембаев үкімет отырысында оқу жылының ұзартылуы мектептердің жағдайына тәуелді екенін мәлімдеді, деп хабарлайды ҚазАқпарат.

Министрдің айтуынша, елімізде әлі де 1000-нан астам мектеп толық жөндеуді, жаңғыртуды қажет етеді. Сондықтан барлық білім мекемелерін қазіргі заман талабына сай инфрақұрылыммен қамтамасыз ету керек. Инфрақұрылым мәселелері шешілгенге дейін оқу жылының ұзартылуы қарастырылмайды.