В Атырау +3 
Қазақстан Республикасы Қаржы мониторингі агенттігінің (ҚМА) Ақтөбе облысы бойынша департаменті прокуратурамен бірлесіп жүргізген іс-шаралар нәтижесінде жүк көліктерін жалған құжаттар арқылы заңсыз тіркеумен айналысқан ұйымдасқан қылмыстық топтың әрекеті тоқтатылды.
Тергеу барысында анықталғандай, қылмыстық топ мүшелері жалған келісімшарттар мен техникалық тексеру актілерін пайдаланып, "Автоіздеу" жүйесіне дұрыс емес мәліметтер енгізген. Осылайша, олар Ақтөбе, Атырау және Батыс Қазақстан облыстарында 77 жүк көлігін заңсыз тіркеуге қол жеткізген. Бұл әрекеттер салық заңнамасын айналып өту мақсатында жасалған.
Аталған әрекеттердің салдарынан мемлекетке келтірілген шығын 740 миллион теңгеден асты.
Қылмыстық топтың ұйымдастырушылары қамауға алынды.
Қазіргі уақытта сотқа дейінгі тергеу амалдары жалғасуда. Қылмыстық істің мүддесіне байланысты басқа ақпарат жария етілмейді.