​Татубаев пен Кексельге қатысты іс бойынша не болды: тергеу жалғасып жатыр

Қазақстанның Бас прокуратурасы Tengrinews.kz-тің Талғат Татубаев пен Олеся Кексельге қатысты тергеу туралы сауалына жауап берді. Екеуі де құқық қорғау органдарының бұрынғы жоғары лауазымды қызметкерлері.

Олар кім және неден күдіктеледі?

Талғат Татубаев — Сыбайлас жемқорлыққа қарсы бюроның бұрынғы басшысы.

Олеся Кексель — бұған дейін Бас прокуратураның Тергеу департаменті басшысының орынбасары қызметін атқарған.

Екеуі де азаптау қолданды деген күдікке ілінді.

Татубаев шілде айында ұсталды. Сол айда Кексель де күдікті болып танылды.

Прокуратура не дейді?

Журналистер істің қалай жүріп жатқанын сұрады. Бас прокуратура жауап ретінде:

"Тергеп-тексеру жалғасуда, қосымша дәлелдеме жинауға бағытталған тергеу әрекеттері жүріп жатыр. Қалған ақпарат құпия, оны жария етуге болмайды", - деп хабарлады.

Неліктен егжей-тегжейлі ақпарат жоқ?

Заңға сәйкес сотқа дейінгі тергеу жүріп жатқанда, тергеуге кедергі келтірмеу үшін көптеген мәліметтер жария етілмейді.