В Атырау +3 
Атырауда қала шетінде мал қорымын және инсинераторлық қондырғыны салу жобасына қатысты дау-дамай туындап жатыр.
Қалалық әкімдіктің ойынша, бұл зиянды індеттер анықталған жағдайда қажет болатын санитариялық нысан. Бірақ қала тұрғындарын жобаның мақсаты емес, шешім қабылдау барысындағы диалогтың болмауы алаңдатып отыр: шешім қабылданып, құжаттар бекітілді, ал тұрғындар бұл туралы хабарсыз қалып отыр.
«Қашан және қайда тыңдаулар өткізілді?» — деп, әлеуметтік желілерде қолданушылар осыған наразы пікірлерін білдіріп, қоғамдық талқылау туралы ешкімнің хабарсыз болғанын айтады.
Қоғам белсенділері процедураның бұзылғанына сенімді. Тұрғындарды нысанның орналасуы да толғандырады — ол тұрғын үйлер мен зираттың жанына салынғалы жатыр. Сонымен қатар, рұқсатты бірден 10 жылға, яғни 2034 жылға дейін беруді сұрауы алаңдатып отыр.
Әкімдік өкілдері санитарлық нормалар сақталғанын, қалаға дейінгі қашықтық 3 шақырым екенін, инсинератор тек төтенше жағдайда ғана қосылатынын мәлімдейді.
Алайда ресми түсініктемелерге қарамастан, атыраулықтардың бір бөлігі бұл мәселені, әсіресе, «барлығын» шешім қабылданғаннан кейін ғана хабардар еткен соң барлық мүдделі тараптардың қатысуымен қоғам талқылауына қайтаруды талап етеді.
Айгүл МАНСҰРОВА