Ресеймен шекарада вейп тиеген көлік тоқтатылды

Ақтөбе облысында ірі көлемде вейп пен никотин тауарларын заңсыз алып өту әрекеті тоқтатылды.  

Бұл операцияны ҚМА Ақтөбе облысы бойынша Департаменті Шекара қызметімен атқарды. 

«Жайсан-автомобиль» шекаралық өткізу пунктінде Ресей Федерациясынан келе жатқан екі жүк көлігі ұсталды. Тексеру барысында тыйым салынған өнімдердің ірі партиясы анықталды:

13 мың электрондық тұтыну жүйесі (вейп);
2 мың дана вейпке арналған сұйықтық;
14 мың дана шылымсыз темекі өнімдері.

Аталған дерек бойынша екі азаматқа қатысты сот үкімі шығарылды. Олар 6 ай мерзімге бас бостандығынан айырылды.

Жалпы құны 26 млн теңге құрайтын вейптер тасымалданған көлік құралдары тәркіленді.

Сот үкімі заңды күшіне енген жоқ.