В Атырау -1 
2025 жылдың 9 қыркүйегінен бастап Қазақстанда Ұлттық банктің 23 маусымдағы қаулысымен бекітілген айырбастау пункттеріне қатысты жаңа талаптар күшіне енеді деп хабарлайды Zakon.kz.
Жаңа ережелерге сәйкес, клиенттерге арналған барлық ақпарат айырбастау пунктінің ішінде немесе кассаның жанында орналастырылуы тиіс, ғимараттардың сыртқы қасбеттерінде, шатырларында, жылжымалы стендтерде және басқа да ашық кеңістіктерде көрнекі түрде орналастыруға болмайды. Бұған тек әуежайларда, вокзалдарда, іскерлік және көпфункционалды орталықтарда орналасқан пункттерге ғана рұқсат етіледі.
Сонымен қатар, әрбір айырбастау пункті қолжетімді жерге келесі құжаттар мен мәліметтерді орналастыруға міндетті:
- Айырбастау операцияларын жүргізуге арналған лицензияның көшірмесі (қазақ және орыс тілдерінде);
- Валюталарды сатып алу және сату бағамдары туралы ақпарат (кемінде 40×40 см ақпараттық стендте);
- Бақылауды жүзеге асыратын Ұлттық банктің аумақтық филиалы туралы мәліметтер;
- Кассирдің байланыс деректері (аты-жөні), автоматтандырылған айырбастау пункттерін қоспағанда;
- Курстардың рұқсат етілген ауытқуы туралы Ұлттық банктің актісінің көшірмесі;
- Бар болса - айырбастау орнын иеленетін заңды тұлғаның интернет-ресурсының мекенжайы.
Сондай-ақ, клиенттің сұрауы бойынша кассир жарамды және жарамсыз банкноттардың белгілері, сондай-ақ оларды айырбастау немесе инкассоға тапсыру шарттары туралы ақпарат беруі керек.
Автоматтандырылған пункттер үшін бағамды электронды мониторда көрсетуге рұқсат етіледі.
Жаңа шаралар айырбастау пункттерінің жұмысын ашық етуге және реттеушінің бақылауын күшейтуге бағытталған.