В Атырау -6 
10 шілде күні таңертең сағат 8:00 шамасында Астанадағы Министрлік үйінің №11 кіреберісінде өрт шықты, деп хабарлайды Astanovka98 Telegram-арнасы.
Елордалық Полиция департаментінің хабарлауынша, белгісіз ер адам Білім министрлігі ғимаратындағы турникетке жанғыш қоспадан жасалған зат лақтырған.
Өрт туралы дабыл қағылды. Оқиға орнына жеткен ТЖД қызметкерлерінің жедел әрекет етуінің арқасында 2 шаршы метр аумақтағы өрт тез арада сөндірілді. Оқиға салдарынан зардап шеккендер жоқ.
Күдікті – 24 жастағы ер адам оқиға орнында ұсталды. Оған қатысты сотқа дейінгі тергеу басталды. Оның бұл әрекетке бару себептері мен күзетілетін ғимаратқа қалай кіргені анықталып жатыр.
10 шілде 2025, 15:36