​Баспанасыз 13 жыл: Ақмола облысында прокуратура жетім балалардың құқығы бұзылғанын анықтады

Бұланды ауданы прокуратурасының шараларымен жетім балалардың тұрғын үй құқығы қалпына келтірілді.

Жетім балалар мен ата-анасының қамқорлығынсыз қалған балалар санатында Макинск қаласында 13 жыл бойы тұрғын үй алу үшін кезекте тұрған ағайынды Вездецкийлер тұрғын үй алуға бірінші кезекте құқылы бола тұра баспана алу кезегінен заңсыз шығарылды. Бұл ретте жергілікті атқарушы органдар аталған тұлғалардың мемлекеттік тұрғын үй қорынан тұрғын үй алу мүмкіндігін бұзған. 

Тек прокурорлық қадағалау актісінен кейін ғана олардың құқықтары қалпына келтіріліп, ағайынды жетім балалар көптен күткен баспаналарына ие болды.