Атырау облысы бойынша МКД маусым айындағы салық есептілігі мерзімдерін еске салды

Атырау облысы бойынша Мемлекеттік кірістер департаменті 2025 жылдың маусым айындағы салық есептілігін тапсыру және міндетті төлемдерді жүргізу кестесін еске салады.

16 маусымға дейін тапсыру қажет:

• 400.00 нысаны – 2025 жылғы сәуір үшін акциз бойынша декларация;

• 421.00 нысаны – 2025 жылғы сәуір үшін құрылымдық бөлімшелер немесе салық салынатын объектілер бойынша акциз есебі.

20 маусымға дейін тапсыру және төлеу қажет:

Есептілік:

• 328.00 нысаны – 2025 жылғы мамыр үшін тауарларды әкелу және жанама салық төлеу туралы өтініш.

Төлемдер:

• ЕАЭО аясындағы ҚҚС (мамыр);

• Акциз, оның ішінде ЕАЭО елдерінен импорт үшін (мамыр).

25 маусымға дейін төлеу қажет:

• Маусым айы үшін корпоративтік табыс салығы (КТС) бойынша аванстық төлемдер;

• Мамыр үшін төлем көзінен ұсталған КТС және ЖТС;

• Мамырда төленген кірістер бойынша ЖТС;

• Мобильді қосымша арқылы арнаулы салық режимін қолданатын жеке кәсіпкерлердің мамыр айы үшін кірістері бойынша ЖТС;

Келесі төлем түрлері бойынша ағымдағы төлемдер:

• Жер учаскелерін пайдаланғаны үшін;

• Радиожиілік спектрін пайдаланғаны үшін;

• Сыртқы (көрнекі) жарнама орналастырғаны үшін;

• Белгілі бір қызмет түрлеріне лицензиялар үшін;

• Телефон байланысы қызметтері үшін.

Бірыңғай төлем, сондай-ақ:

• Әлеуметтік салық;

• Әлеуметтік аударымдар;

• МӘМС аударымдары мен жарналары;

• Міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ), жұмыс беруші есебінен МЗЖ (ЖБ-МЗЖ) — 2025 жылғы мамыр үшін.

Маңызды: есептілікті немесе төлемдерді уақытылы тапсырмау өсімпұл мен айыппұл есептеуге әкелуі мүмкін.