Қарағанды облысында екі жасар баланы пойыз қағып кетті

Қарағанды облысында жүк пойызы екі жасар баланы қағып кетті, деп хабарлайды "Қазақстан Темір Жолы" компаниясының баспасөз қызметі. Оқиға 1 маусым Қарағанды-Ақадыр учаскесінде болған.

Компания өкілдерінің хабарлауынша, пойыз машинисі рельс үстінде баланы көргеннен кейін шұғыл тежеуді басқан. Қанша тырысқанымен бала жарақат алды, ата-анасы оны дереу Қарағанды қалалық балалар ауруханасына жеткізді. 

Бұл оқиға бойынша Қарағанды - Сұрыптау стансасының желілік полициясы тергеу амалдарын жүргізеді. 

«Қазақстан темір жолы» компаниясы ата-аналарды тағы да балалардың қауіпсіздігіне көбірек көңіл бөлуді ескертті.