В Атырау -2 
Жылыой ауданының ауыл шаруашылығы және жер қатынастары бөлімінің мәліметінше, термиттер лек-легімен Маңғыстау облысы Бейнеу ауданы Боранқұл ауылынан Атырау облысына қоныс аударған.
Алғаш бұл жағдай Майкөмген ауылында тіркеліп, жәндіктер тұрғын үйлер мен шаруашылық құрылыстарда қаптап кепткен. Тұрғындардың айтуынша, жәндіктер ғимараттарға еніп, бөренелерге, төбе жабындарына және аралық қабырғаларға жетіп, ағаштарды ішінен үңгіп тастайды екен.
— Тұрғындарға дезинсекцияны өз қаражаты есебінен жүргізу ұсынылды. Алайда қазіргі уақытта термиттермен күрес шараларына қаражат бөлу мәселесі қаралуда, — деп хабарлады ведомство.
Олардың мәліметінше, бұған дейін Атырау облысында мұндай проблема тіркелмеген.
Алайда «жаңа» шабуыл туралы мәлімдемелерге қарамастан, бұл мәселе бұрын да көтерілген. 2020 жылы «Ақ Жайық» басылымы Майкөмген шөліндегі термиттердің сирек өсімдіктерді жеп, ғимараттарға жақындағаны туралы жазған. Сол кезде округ әкімі Марат ҚАБИДЕНОВ алаңдауға негіз жоқ екенін айтқан. Алайда жылдар өте жағдай тек нашарлай түскен.
Анастасия ШЕРСТЯНКИНА