​Қазақстандықтарға сақтандыру полисінде көрсетілмеген жүргізушіге көлік тізгінін беруге тыйым салынды

Маңғыстау облысы полиция департаментінің басшысы халықпен есеп беру кездесуінде осы мәселені еске салды, деп хабарлайды Lada.kz.

Кездесу барысында өңір жүргізушілерін толғандырған сұрақтардың бірі көтерілді: егер жүргізуші өзін нашар сезінсе немесе мас күйде болса, сақтандыру полисінде көрсетілмеген адамға көлікті (мысалы, туысына) беруге бола ма?

Полиция басшысы рульді сақтандыру полисінде тіркелмеген үшінші тұлғаға беруге, тіпті көлік иесі салонда болса да тыйым салынады деп кесіп айтты.