Қазақстан халқы Ассамблеясы Төрағасының орынбасарлары ауысты

Қазақстан президенті Қазақстан халқы Ассамблеясының басшылығына қатысты кадрлық өзгеріс жасады: Төрағаның екі орынбасары жұмыстан босатылып, орнына жаңа адамдар тағайындалды, деп хабарлайды Ақорда. 

Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары қызметінен босатылды.

Олардың орнына Расул Сурмалиевич Ахметов және Дмитрий Валерьевич Останькович тағайындалды.

Расул Ахметов - ҚХА қарасты "Жарасым" республикалық жастар ұйымының төрағасы. ал Дмитрий Останькович - "Родны кут" белорустар мәдени орталығы қауымдастығының төрағасы. 

Қазақстан халқы Ассамблеясы – ел президентінің жанындағы  қоғамдық келісім мен ұлттық бірлікті нығайтуға бағытталғанконсультативтік-кеңесші орган.