В Атырау
+18 
2023 жылы Павлодар қаласының тұрғыны “TI” бағдарламасы бойынша сақтандыру компаниясымен (СК) көлік құралын ерікті сақтандыру шартын жасаған: оған «Тойота» автокөлігі үшін сақтандыру полисі рәсімделген.
Бір айдан кейін ер адам жол-көлік оқиғасына түсіп, сақтандыру жағдайы туралы СК-на арыз жолдаған.
СК жеке кәсіпкердің қорытындысына сүйене отырып, сақтандыру жағдайы жалған екенін көрсетіп, оған сақтандыру төлемін төлеуден бас тартқан, оған сәйкес инспектордың актісі мен жол-көлік оқиғасының сызбасында көрсетілген жағдайларда автокөліктегі белгілер мен залалдың қалыптасуы мүмкін емес.
Сақтандыру омбудсменіне және Қаржы нарығын реттеу және дамыту агенттігіне жүгінулерден еш нәтиже шықпаған.
Ер адам сотқа жүгініп, СК-ның бас тартуын заңсыз деп тануды және 13 млн теңгеден астам сақтандыру төлемдерін өндіруді сұраған.
Бірінші сатыдағы сот тараптардың жол-көлік оқиғасының (ЖКО) мән-жайына қатысты қарама-қайшы ұстанымдарын ескере отырып, сот-іздестіру сараптамасын тағайындаған, оның қорытындысынан автокөлікке келтірілген залал осы ЖКО нәтижесінде алынуы мүмкін екендігі анықталған.
Осыған байланысты талап қою толық көлемде қанағаттандырылған. СК бұл шешімге апелляциялық сотқа шағым түсірген.
Павлодар облыстық соты істі зерттей келе, сот сараптаманың қорытындысы іс материалдарына, әкімшілік іске және куәлердің айғақтарына сәйкес келетінін анықтады.
Талап қоюшының автокөлігі полиция қызметкерлерінің қатысуымен жол-көлік оқиғасы орнынан уақытша ұстау изоляторына жеткізілген, бұл расталды.
Сақтандыру компаниясы сақтандыру талабын бұрмалау туралы өз дәлелдерін растайтын дәлелдемелерді ұсынған жоқ.
Апелляция бірінші сатыдағы соттың шешімін өзгеріссіз қалдырды.
Қаулы заңды күшіне енді.