Қазақстанда 2025 жыл жұмысшы мамандықтарының жылы деп жарияланды

Қазақстанда 2025 жыл жұмысшы мамандықтарының жылы деп жарияланды, деп хабарлайды Ақорда.

"Мемлекет басшысы Қасым-Жомарт Тоқаевтың Жарлығымен 2025 жыл Жұмысшы мамандықтарының жылы деп жарияланды" - делінген хабарламада. 

Ақорда сайтында Жарлықтың мәтіні жарияланды: 

Жұмысшы мамандықтарының жылын жариялау туралы

Жұмысшы мамандықтарының беделін арттыру және техникалық және кәсіптік білім беру жүйесінің реформасын жүзеге асыру мақсатында ҚАУЛЫ ЕТЕМІН:

1. 2025 жыл Жұмысшы мамандықтарының жылы деп жариялансын.

2. Қазақстан Республикасының Үкіметі Жұмысшы мамандықтарының жылын өткізу бойынша қажетті шараларды қабылдасын.

3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

4. Осы Жарлық қол қойылған күнінен бастап қолданысқа енгізіледі.

2024 жылғы 27 желтоқсан