2025 жылы тәртіп бұзған мопедшілер қанша айыппұл төлейді

2025 жылы айлық есептік көрсеткіш мөлшері 6,5 пайызға артып, 3932 теңгені құрайды, деп хабарлайды Информбюро.

"Жол жүрісі туралы" заңға және Әкімшілік кодекске енгізілген түзетулер 2025 жылғы 4 сәуірден бастап күшіне енеді. Сәйкесінше, мопед жүргізушілеріне қатысты жаңа талаптар да қолданыла бастайды. 

Соған орай, тәртіп бұзған мопедшілерге қандай айыппұлдар салынады: 

куәліксіз жүру – 5 АЕК (2025 жылы 19 660 теңге);
мемлекеттік нөмірі жоқ немесе дұрыс тіркелмеген мопед тізгіндеу – 10 АЕК (39 320 теңге);
жалған немесе қолдан жасалған мемлекеттік нөмір тағу – 15 АЕК (58 980 теңге);
көлік жүргізу құқығынан айырылған адам мопед басқарса – 50 АЕК (196 600 теңге) немесе 10 тәулікке қамалады;
мопедті куәлігінен айырылған немесе куәлігі жоқ адамға беру – 50 АЕК.