Саяжайдағы үй

– Саяжай учаскесіне тұрғын үй салғым келген. Құрылысты бастау үшін қандай құжаттар жинау керек?

С. Байдуллиева, «Мұнайшы» бау-бақша серіктестігі

Сұраққа қала әкімінің орынбасары Жұмабай ҚАРАҒАЕВ жауап берді:

– Саяжай учаскесінен тұрғын үй салуға мүдделі жеке немесе заңды тұлға (өтініш беруші) жергілікті атқарушы органға (қалалық әкімдікке) жер учаскесін саяжайдан тұрғын үйге өзгерту туралы өтініш беруі керек. Қалалық қала құрылысы комиссиясында өтініш қаралғаннан кейін, өтініш берушіге тиісті шешім шығарылады. Комиссия рұқсат берген жағдайда тұрғын үйдің сызбалық жобасын дайындап, содан соң қалалық сәулет және қала құрылысы бөлімінен үй салуға рұқсат алу керек.