"Ақжайық" резерватында қамыс бықсып жатыр

2024 жылғы 9 қазанда Атырау қаласы Еркінқала ауылынан 40 шақырым қашықтықта, Каспий теңізінің жағалауында "Ақ Жайық" Мемлекеттік табиғи резерватының аумағында қамыс өсімдіктерінің бықсып жатқаны анықталды, деп хабарлайды Атырау облысы ТЖД қоғаммен байланыс тобы.

9 қазанда Атырау облысы ТЖД және "Ақ Жайық" МТР жалпы саны 46 қызметкер, 16 бірлік техника жұмылдырылып, оқиға орнында жануды сөндіру жұмыстарын жүргізді.

Қараңғы түсуіне байланысты өртті сөндіру жұмыстары уақытша тоқтатылды, 10 қазан қайта жалғасатын болады.

Жану аумағы қамыс өрті толық жойылған соң комиссия мүшелерімен анықталатын болады.

Елді мекендерге қауіп жоқ екенін хабарлаймыз. 

NASA сервисінің мәліметінше, өрт аумағы шамамен 11 ш.км құрайды.