​Батыста ауа температурасы төмендеп, жауын жауады - Қазгидромет

Қазгидромет алдағы үш күнге ауа-райы болжамын жариялады. 

Аптаның басында антициклон сілемі Қазақстанның басым бөлігіне әсер етеді және негізінен ауа-райын жауын-шашынсыз сақтайды. Содан кейін елдің батыс және солтүстік-батыс аймақтарына Мәскеу аудандарынан циклон әсер етеді, ол найзағаймен жаңбыр әкеледі; 9-10 қазанда батыста қатты жаңбырдың жаууы болжанады. Республика бойынша желдің күшеюі, солтүстік өңірлерде түнгі және таңертеңгі уақыттарда тұман күтіледі.

Республиканың батысында ауа температурасының күндіз 12-18-ге дейін, солтүстік-батыста және солтүстікте 7-17-ге дейін төмендеуі болжанады, ал қалған аумақта күрт өзгерістер күтілмейді.