№19 мектеп-гимназия 14 қазаннан бастап оқушыларды қабылдайды

Атырау қаласындағы «Авангард-2» ықшам ауданында орналасқан Қ.Сәтбаев атындағы №19 мектеп-гимназиясында күрделі жөндеу жұмыстары аяқталды, - деп хабарлайды Өңірлік коммуникациялар қызметі.

-  Білім ордасында 1 мыңнан аса оқушы білім алатын болады. 1-2 ауысым өзіміздің оқушыларды қамтыса,  үшінші ауысымда №30 мектеп-гимназиясының 5-11 сынып аралығындағы орыс тілді сыныптар оқиды. Оқу кабинеттері білім беру процесін  жүргізуге дайын -, деді №19 мектеп-гимназиясының  директоры Ақылбек  Мырзағалиев.

Айта кетейік, мұнда жалпы  40 оқу кабинеті, 2 спорт зал мен 120-дан аса оқушыға арналған асхана бар.