Реттелетін газ

– «ЕмбіМұнайГаз» АҚ мен «ҚазТрансГаз» АҚ Шығыс Мақат кенішіндегі «ДоссорМұнайГаз» МГӨБ-нен Қызылқоға мен Мақат аудандарының тұтынушыларына жеткізілетін табиғи газдың бағасы туралы келісе алмай келеді деп естідім. Осы рас па?

Ольга

Сұраққа ҚР Табиғи монополияларды реттеу агенттігі департаментінің басшысы Балжан ДОСМҰХАМБЕТОВА жауап берді:

– «Газ және газбен жабдықтау туралы» ҚР заңының 15-бабының 7-тармағына сәйкес, ҚР Мұнай және газ министрлігі «ЕмбіМұнайГаз» АҚ-ның «ҚазТрансГаз Аймақ» АҚ сатып алатын тауарлық газының бағасын бекітті. Ол «Теңізшевройл» ЖШС жеткізетін газ бағасына, яғни, 1 мың текше метрі 1 930,4 теңгеге тең. Екі АҚ арасындағы газ жеткізу жөніндегі келіссөздер әзірге аяқталмады және келісімшартқа қол қойылған жоқ. «ҚазТрансГазАймақ» АҚ-ның реттелетін қызметтер бағасын республикалық табиғи монополияларды реттеу агенттігі бекітетінін еске салғым келеді.