В Атырау
+10 
– Мен зейнеткермін, несие алғым келген. Алайда Хоумкредитбанкте 70 жасқа дейін шектеу қойылатындығын желеуретіп, маған несие беруден бас тартты. Осы дұрыс па?
Телефон арқылы
Хоумкредитбанктің Атырау филиалының аймақтық директоры Андрей КИМНІҢ айтуынша, банк зейнеткерлер үшін ақшалай несиелерді 73 жасқа дейін береді:
– Оның өзі маған, Баймұханов, 26 мекен-жайындағы бас кеңсеге келсін. Біз мәселені анықтауға тырысамыз, - деді Ким.
Сонымен қатар, сұраққа Ұлттық банктің Атырау филиалының қаржылық мекемелерді бақылау және қаржылық қызметтерді тұтынушылардың құқықтарын қорғау бөлімінің бастығы Аслан ҚАБЕСОВ түсінік берді:
– Біздің банктердің ішкі саясатына араласуға құқығымыз жоқ. Әрбір банк өздерінің нормативтік құжаттарына сәйкес жұмыс жасайды. Соның ішінде жасы бойынша шектеулер де белгіленген. Біздің өкілетті орган жас шектеулерін енгізбегендіктен, әр банкте өз шектеулері болады.