Атырауда ит құтқарылды

Түнде Атырау облысы ТЖД кезекшісіне облыс орталығы көшелерінің бірінде құдықтан біртүрлі дыбыстардың естіліп жатқаны туралы хабарлама келіп түсті.

Шақырту орнына барған құтқарушылар Атырау қаласы, Жұлдыз-1 ықшамауданы Сариев көшесінде орналасқан үйлердің бірінің маңындағы құдыққа түсіп кеткен итті тауып алды.

Құтқарушылар үрейленген әрі тоңған жануарды ақырын арқанмен байлап, шығарып алып, иесіне тапсырды.