В Атырау +32.9 
Атырау облысының Қызылқоға аудандық сотында Қазақстан Республикасы ӘҚБтК-нің 669-бабының 1-бөлігімен дара кәсіпкер А.-ға қатысты әкімшілік құқық бұзушылық туралы іс қаралды.
Іс материалдарынан анықталғандай, Атырау облысының мамандандырылған ауданаралық экономикалық сотының шешімімен дара кәсіпкерден мемлекет пайдасына 1 380 000 теңге мемлекеттік грант және 41 400 теңге мемлекеттік баж алымы өндірілген.
Сот орындаушының 2023 жылғы қарашадағы қаулысымен дара кәсіпкер А.-ға қатысты атқарушылық іс жүргізу қозғалған.
Алайда, дара кәсіпкер ұзақ уақыт бойы сот шешімін орындамаған.
Сот отырысында дара кәсіпкер А. кінәсін мойындап, хаттамада көрсетілген мән-жайларды растады.
Сот қаулысымен дара кәсіпкер А. аталған бап бойынша кінәлі деп танылып, оған 77 532 теңге әкімшілік айыппұл салынды.
Сот қаулысы заңды күшіне енген жоқ.