В Атырау +3.8 
Қазақстан Республикасының президенті Қасым-Жомарт Тоқаев Эмомали Рахмонды Тәжікстанның тәуелсіздік күнімен құттықтады, деп хабарлайды Azattyq Rýhy.
Ақорда хабарлағандай, Тоқаев құттықтау жеделхатында Эмомали Рахмонның парасатты көшбасшылығының арқасында Тәжікстан маңызды саяси және әлеуметтік-экономикалық реформалар жасап, мемлекеттілікті нығайту жолында сенімді қадам басып келе жатқанын, халықаралық аренада абыройы жоғары екенін атап өткен.
Қасым-Жомарт Тоқаев Тәуелсіздік жылдарында Қазақстан мен Тәжікстан стратегиялық серіктестік және одақтастық рухындағы өзара тиімді қарым-қатынас орнатқанын, бұл екі халықтың мүддесіне сай келетінін айтқан.
Мемлекет басшысы Тәжікстан Президентінің жауапты мемлекеттік қызметіне табыс, ал бауырлас тәжік халқына бақ-береке тіледі.