Төрт ел мемлекетаралық тұтқындар алмасады

Ресей, Беларусь, АҚШ және Германия арасында мемлекетаралық тұтқындармен алмасады.

Бұл туралы orda.kz басылымы Fox News-ке сілтеме жасап хабарлады.

Словениядан келген Артём мен Анна Дульцев, олар өздерін Аргентина азаматтары Людвиг Гиш пен Мария Роза Майер Муноз деп көрсетіп, тыңшылық ісі бойынша 1,7 жылға бас бостандығынан айырылды. 

2022 жылы олар ресейлік барлау қызметтеріне тыңшылық жасады деген күдікпен ұсталды. 

Сонымен қатар айырбас ретінде Германияда жазасын өтеп жатқан Вадим Красиков Ресейге оралуы мүмкін. Ол шешен лаңкесі Зелимхан Хангошвилиді өлтіргені үшін өмір бойына бас бостандығынан айырылды.

Мемлекетаралық тұтқындармен айырбас қорында Ресейде сотталған Wall Street Journal тілшісі Гершкович бар. Ол Америка Құрама Штаттарына оралады. Ол Ресейде тыңшылық жасағаны үшін 16 жылға бас бостандығынан айырылған. 

Беларусь елінде өлім жазасына кесілген және Лукашенко рақымшылық жасаған Германия азаматы Рико Кригер, тыңшылық жасады деп айыпталған және 16 жылға сотталған американдық жаяу әскер Пол Уилан бар. 

Сонымен қатар бүгін Мәскеуден арнайы рейс ұшты. Ол Калининградқа қонды. Бұл арнайы 35 орны бар ұшаққа ФСБ қызмет көрсетеді. 

30 шілде Владимир Путин саяси тұтқындарға рақымшылық жасауы мүмкін жеті құпия жарлық шығарды.  

The Moscow Times Ресей Федерациясы өзінің агенттері мен барлау қызметкерлеріне айырбас ретінде Батысқа 20-дан 30-ға дейін саяси тұтқындар мен журналистерді жіберуі мүмкін екенін жазған. Сондай-ақ, БАҚ ресейлік саяси тұтқындардың, оның ішінде Владимир Қара-Мырза, Илья Яшин, Олег Орловтың жоғалып кеткенін хабарлады.