Шаш ал десе,бас алған

Құрманғазы аудандық санэпид қадағалау бөлімінің мамандары «органдардан» ауданға Ресейден сақталу мерзімі өтіп кеткен азық-түлік өнімдері келіп түсті деген хабарлама алып, 20 тексеру жүргізген. Барлығы да заңсыз болып шықты.

Бұл туралы облыстық прокуратураның өкілі Асылан НҰРҒАЛИЕВ брифингте хабарлады. Алынған ақпаратты нақты мекенжай бойынша анықтаудың орнына, СЭС қызметкерлері бірден 20 дүкенді қатар тексерген. Нәтижесінде 20 жоспардан тыс тексеру тағайындау туралы акті және 20 әкімшілік іс тоқтатылды. Ал аудандық СЭС бөлімінің басшысы тәртіптік жауапкершілікке тартылды. Жыл басынан бері прокуратура кәсіпкерлер құқығын қорғау саласындағы заңнамалардың сақталуына 26 тексеру жүргізген, 59 актінің күші жойылып, өзгертілген, 34 лауазымды тұлға жауапкершілікке тартылды.

Зульфия ИСКАЛИЕВА