«Үш кербезге» қатысты шырғалаң

Атыраудағы көне субұрқақты қалпына келтіруге қатысты бес жылға созылған хикаяның шегі көрінер емес. Қала тұрғындарының биыл жазда да оның жұмыс істеп тұрғанын көруі екіталай.

Естеріңізге салсақ, мұның бәрі 2019 жылы әкімдік 1960 жылдары Жилгородокта орнатылған «Үш кербез» субұрқағын бұзып, орнына басқа гидротехникалық құрылыс салуды көздеген кезде басталған еді. Сол кезде бұл жаңалық ауқымды әрі келеңсіз қоғамдық резонанс тудырды. Жұртшылықтың бір бөлігі бірауыздан кербездердің жойылуына қарсы шықты. Сөйтіп билік оларды бұзу туралы шешімін өзгертіп, тікенді шарлар түріндегі «жаңа құрылымдық элементтерді» қосуды ұйғарды. Бұған 62,7 миллион теңге бюджет қаражаты, яғни салық төлеушілердің қаражаты бөлінді.

Артынша нысанды пайдалануға беру мерзімі бірнеше рет кейінге шегеріліп, Жилгородтағы субұрқақа қатысы бар бірқатар мердігер компания басшыларының ұрлық жасап, тергеуге алынғаны белгілі болды. Ұрланған ақша бюджетке қайтарылды, бірақ қайта қалпына келтіру ұзаққа созылып кетті...

Өткен жылдың көктемінде әкімдік кербездердің зақымдалған қалдықтарын еске алып, «бұрын жіберілген, оның ішінде эстетикалық сипаттағы қателіктерге байланысты толық қалпына келтіруге» 51,3 миллион теңге бөлді. Алайда жұмысшылар көріксіз шарларды бөлшектеп тастап, кербезді үшбұрышты бетон бассейнмен қоршап тастады да іс осымен бітті. Жұмыстың тоқтатылуына жобаға түзету жұмыстарының басталуы («ОрдаЖобақұрылыс» ЖШС айналысады) себеп болғаны айтылды. оның қажеттілігіне атындағы Мәдениет сарайы ауданындағы жағдай себеп болған. Құрманғазы атындағы Мәдениет сарайы аумағын абаттандыру қажет болғандықтан жобаны түзету керек болыпты. Түзетулерді аяқтап, жұмысты 2023 жылдың қазан айында жалғастыру жоспарланған болатын, бірақ одан бері ештеңе өзгерген жоқ.

Редакцияның сауалына жауап берген Атырау қаласының әкімдігі жобалық-сметалық құжаттаманы (ЖСҚ) түзету аяқталмағанын хабарлады. Сонымен қатар, жобалық-сметалық құжаттаманың өзгеруіне байланысты құжаттарды заңдастыру рәсімі қатар жүргізілуде. Жыр болған қалпына келтіруді айтылмады.

Лев ГУЗИКОВ

«Былина» этномәдени бірлестігінің суреті