"Бөгет салу мүмкін болмай тұр"

Қала маңындағы кейбір тұрғындар қауіпсіз жерге шығу туралы хабарлама алған. 

"АЖ" анықтағандай, бұл хабарлама расында Қайыршақты ауылдық округінің әкімі Шапхат ҚАЛИЕВТІҢ атынан «Колос», «Мұнай өңдеуші», «АтырауМұнайҚазГеология» бау-бақша серіктестіктеріне жіберілген. 

Атырау облысының ТЖ жөніндегі жедел штабы мәлімдегендей, аталған саяжайлар қорғаныш сызығынан тыс жерде, Жайық өзенінің жайылмасында орналасқан және топырақ эрозиясының ықтималдығы жоғары. 

"Ол тұста жағаны қорғау бөгетін салу мүмкін емес. Осыған байланысты аталған бау-бақша серіктестіктерінің иелеріне хабарлама жіберілді", - делінген штабтың хабарламасында.  

Нұрбейбіт НҰҒЫМАНОВ