2024 жылы облыстағы спорт клубтары бюджеттен қанша қаржы алады?

Атырау облысының дене шынықтыру және спорт басқармасы 2024 жылғы кәсіпқой спорт клубтарын қаржыландыру көлемін жариялады.

Ең көп траншты «Атырау» футбол клубы – 1,344 миллиард теңге алды, облыстық «Бейбарыс» хоккей командасы – 1,332 миллиард теңге, «Атырау» мини футбол командасы азырақ – 504 миллион теңге сұраған. Дәл осындай соманы тағы бірнеше басқа спорт клубтары – облыстық «Атырау» ерлер волейбол командасы мен «Атырау барыстары» ерлер баскетбол командасы да сұраған.

Әрі қарай: облыстық мүгедектер клубы 563,2 млн теңге, «Атырау» параволейбол командасы – 453,864 млн теңге (бұл жерде шығын анық: команда 2024 жылы Парижде өтетін Паралимпиада ойындарына алғаш рет жолдама алды).

Ұлттық спорт түрлері бойынша облыстық құрама (қыркүйекте Алматыда Көшпенділер ойындары өтеді) – 310 миллион теңге, ал кәсіпқой бокс клубы 182,119 миллион теңге сұраған.

Ал, баскетболдан әйелдер құрамасы 250 миллион теңге, одан кейінгі волейболшылар 224 миллион теңгеге жуық қаржы алады. Міне, бәрі 6 миллиард 171,151 миллион теңге болды.

Мұрат СҰЛТАНҒАЛИЕВ