Құтқарушылар: мұз үстіне шығу қауіпті!

Бүгін Жайық өзенінде мұздың қалыңдығы өзен ортасында 4-6 см, кей жерлерде 2-3 см-ге де жетпейді, кей жерлерде мүлдем мұз жоқ, деп хабарлайды Атырау облысы ТЖД.

Құтқарушылар барлық қажетті алдын алу шараларын қарқынды жүргізіп, тұрғындарды сақ болуға шақыруда.

Облыстық ТЖД ата-аналарды қысқы демалыс кезінде балаларын қатаң қадағалауға, жұқа мұз үстінде ойнауға жол бермеуге шақырады. Азаматтар жеке басының қауіпсіздігі үшін мұз үстіндегі қауіпсіздік ережелерін қатаң сақтау керек.