Перзентхана қасбетінің түсі 2024 жылы өзгереді

Атырауда облыстық перинаталдық орталықтың күңгірт қасбеті қала тұрғындарының қалауы бойынша басқа түске ауыстырылады.

Еске салсақ, биыл перзентханада қайта жөндеу жұмыстары жүргізілді. Алайда ғимарат пайдалануға берілген кезде оның хайтек үлгісіндегі қара-сұр түсі қала тұрғындарына ұнамай қалды. Көпшілігі жаңа өмір дүниеге келетін жер мәйітхананаға ұқсамауы керек, ол ашық реңді болуы тиіс деген пікірлер жазған еді.

«Біз қасбетті 2024 жылы мердігер мекеменің есебінен ашық түсті қылып өзгертеміз», деп жазды Атырау облысы әкімінің орынбасары Жасұлан БИСЕМБИЕВ өзінің Telegram-каналында.

Нұрбейбіт НҰҒЫМАНОВ

Сурет "АЖ" мұрағатынан алынды