Екінші және үшінші ауысым оқушылары онлайн оқытуға көшеді

Бүгін, 12 желтоқсанда Атыраудағы барлық мектептің екінші ауысым оқушылары қатты желдің болуына байланысты онлайнға көшірілді.

"Ауа-райының қолайсыздығына байланысты, яғни желдің ұйытқуы 30 м/с болуына орай 12.12.2023 күні барлық қала  мектептері екінші ауысымда онлайн режимінде оқиды", - деп хабарлады облыстық білім беру басқармасының баспасөз қызметі.

Үшінші ауысым да онлайн оқыту форматына көшеді. Ата-аналардың бірінен №3 мектеп-гимназиясының кейбір бірінші ауысым сынып оқушыларын кабинеттер салқын болғасын үйлеріне қайтарғанын білдік.

- Бұл бір күн бұрын судың жүрмей қалуына және жылу мәселесінің орын алуына байланысты болуы мүмкін бе?

– Оқушыларды онлайнға көшіру себебі су жинау станциясындағы апаттың салдары болуы мүмкін бе?

- Барлық мектепте су мен жылу бар, - деп жауап берді білім беру басқармасының баспасөз хатшысы Эльмира ТҰҢҒАТАРОВА.

Айнұр САПАРОВА