Лондон биржасында мұнай бағасы көтерілді

Brent маркалы мұнай бағасы 0,45 пайызға өсті.

Эталондық мұнайдың әлемдік бағасы өткен аптада қатты құлдырағаннан кейін көтеріліп жатыр, деп хабарлайды inbusiness.kz сайты.

Лондонның ICE биржасында Brent маркалы мұнайдың қаңтардағы фьючерстерінің бағасы Астана уақытымен 08:27-дегі сауда деректері бойынша 0,45 пайызға өсіп, барреліне $80,98 құрады.

Қаңтарда жеткізілетін WTI маркалы мұнай фьючерстері 0,48 пайызға өсіп, барреліне 76,41 долларды құрады.

Естеріңізге сала кетейік, 17 қарашада Brent маркалы мұнайдың қаңтардағы фьючерстерінің бағасы 4,45 пайызға арзандап, барреліне 77,56 долларды құрады.