Екі ауылдың әкімі сайланды

17 қыркүйекте Исатай ауданының Зинеден және Исатай ауылы халқы өз әкімдерін сайлады. 

Тікелей сайлау «Қазақстан Республикасындағы сайлау туралы» ҚР Конституциялық заңына сәйкес осы екі ауылдық округ әкімдерінің өкілеттіктерінің (4 жылдық мерзім өтті) тоқтатылуына байланысты өткізілді. Әр округтен үш кандидатурадан ұсынылды: Исатай округі бойынша Асылан ҒҰБАШ, Қуаныш ТАХАЕВ, Нұрберген ҚАБДЫҒАЛИЕВ, ал Зинеден ауылы әкімдігіне Ерлан МАХСОТОВ, Ринат ЕСҚАЛИ, Нұрлан МҰРАТ түсті.

Кандидаттар алдын ала үгіт-насихат жұмыстарын белсенді жүргізіп, халықпен кездесіп, пікірталас ұйымдастырды.

Сайлау қорытындысы бойынша Исатай ауылдық округіне 69, 4 дауыс жинаған ("Аманат" партиясынан) А. Ғұбаш, Зинеден ауылы округіне (ол да "Аманат" партиясынан ұсынылған) 61,7 дауыспен Е.Махсотов сайланды.

Ләззат ҚАРАЖАНОВА

Суретті Исатай ауданы әкімдігі ұсынды