​Атырауда бір тәулікте төрт жүргізуші көлікті мас күйінде жүргізді

Атырауда полиция қызметкерлері бір күнде мас күйінде көлік тізгіндеген төрт жүргізушіні анықтады, деп хабарлайды Атырау облыстық полиция департаментінің баспасөз қызметі.

«Сағат түнгі 3:00 шамасында Сәтбаев - Тайманов көшелерінің қиылысында патрульдік полиция қызметкерлері Lada Granta көлігін тоқтатты. Тексергенде 2002 жылы туған қала тұрғыны көлікті мас күйінде басқарғаны белгілі болды. Сондай-ақ, Мұстафа Шоқай көшесінде сағат 23:43 шамасында дәл осындай құқық бұзушылықпен 1993 жылы туған BMW көлігінің жүргізушісі ұсталды. Құқық бұзушыға қатысты ҚР ӘҚБтК-нің 608-бабының 1-бөлігі бойынша әкімшілік хаттама толтырылып, жиналған құжат әкімшілік сотқа жолданды», - деп хабарлады ДП.

«Осыған байланысты тәртіп сақшылары көлік иелеріне жол қозғалысы ережесін сақтап, көлікті алкогольдік немесе есірткілік масаң күйде жүргізбеуді сұрайды», - деп ескертті ПД.