Қазақстандықтарға зейнетақы жинақтарын қолдануға көбірек құқық беріледі

1 шілдеден бастап Қазақстанда Әлеуметтік кодекс күшіне енеді. 27 маусымда үкімет отырысында премьер-министрдің орынбасары - еңбек және халықты әлеуметтік қорғау министрі Тамара Дүйсенова аталған құжаттың негізгі жаңалықтары туралы айтты, - деп хабарлайды Tengrinews.kz.

Министрдің айтуынша, Әлеуметтік кодекс жобасына Бірыңғай жинақтаушы зейнетақы қорына салымшылардың зейнетақы активтерін басқару құқығын кеңейтуге қатысты өзгерістер енгізіліп жатыр.

"Енді азаматтар белгіленген шекті мөлшерден асатын зейнетақы жинақтарын емделуге және тұрғын үй сатып алуға ғана жұмсай алады. Салымшыларға зейнетақы жинақтарының 50 пайызынан аспайтынын активтерді басқарушы компанияларға аудару құқығы беріледі", - деді Тамара Дүйсенова үкімет отырысында.