В Атырау
+19 
Билік байланыс операторларын жауапкершілікке тартты. Атырау облысы әкімінің орынбасары Жасұлан БИСЕМБИЕВТІҢ төрағалығымен өткен жиынға ұялы байланыс операторларының, интернет-провайдерлердің өкілдері, Қоғамдық кеңес мүшелері, Байланыс инспекциясы мен облыс, қала әкімдігінің жауапты бөлімдер қатысты.
ПРОГРЕССКЕ ҚАРСЫ РАДИОФОБИЯ
Негізгі сұрақтардың бірі: операторлар заң мен лицензиялық келісімдерге қарамастан, неліктен Атырау тұрғындарын сапалы 4G байланысымен қамтамасыз ете алмайды?
Интернетке тәуелді абоненттердің жыл сайын көбейіп жатқаны туралы жауыр болған түсініктемеден басқа, қажетті жерлерге дүниежүзілік желіге жоғары сапалы қолжетімділік үшін операторларға базалық станциялар орнатуға мүмкіндік бермейтін тұрғындар арасындағы прогрессивті радиофобия туралы қарсы шағым да айтылды.
Анықталғандай, көп адам әлі күнге дейін радиотолқындарды радиациямен және рентген сәулелерімен шатастырады. Радиофобтар ұялы байланыс антенналарынан қатерлі ісік және басқа аурулар туындайтыны туралы айтады.
Гугл арқылы іздеп, Tele2 / Altel желілік құрылыс қызметінің директоры Сергей СУСЛОВТЫҢ осы тақырып бойынша өте орынды пікірін таптық: «Адам денсаулығына қауіптің жоқтығы көптеген зерттеулермен дәлелденді. Бірақ кез келген адам станцияларды орнатудың қауіпсіздігін түсіне алатын бірнеше фактілер бар. Біріншіден, ұялы байланыс операторлары пайдаланатын радиотолқындар иондалмайтын сәулелену болып табылады, яғни бұл спектрдегі толқындардың атомдардан немесе молекулалардан электрондарды бөлуге жеткілікті энергиясы жоқ. Физиканың негізгі заңдарына сәйкес радиотолқындар химиялық реакцияларды немесе ДНҚ зақымдануын тудыруы мүмкін емес».
ТҰНШЫҚТЫРҒЫШ «АЙМАҚТА»
Сондай-ақ, тұншықтырғыш орнатылған жерлерде байланыс проблемалары бар - бұл қылмыстық-түзету жүйесінің мекемелері: әйелдер колониясы – Алмагүл ы/а, Елшібек, т. б., 66-колония – Жилгородок, Химпоселок, Тасқала, Алғабас, т.б. Солардың кесірінен операторлар да сапасыз қызмет көрсетіп, осы аумақтардың тұрғындарына моральдық тұрғыда қарыздар болып отыр.
Бағына қарай, жиында ҚТЖД-мен және әкімдікпен бірлесіп, қамту аймағы тікенек сымнан асып кетпейтіндей етіп колонияларға тұншықтырғыш орнататын көшпелі топтар құру туралы шешім қабылданды.
Жалпы, тексерулермен айналысатын байланыс инспекциясы тұрғындарға үнсіз қалмауға кеңес береді, өйткені жоспардан тыс тексеру үшін қоғамдық әлеуметтік желіден емес, жеке және заңды тұлғалардан өз мекемелеріне жолданатын арыз-шағымдар қажет. Бұл инспекция мекен-жайына Е-Өтініш қосымшасында тіркелген тиісті фактілері бар өтініштер (скриндар, бейнежазбалар және басқа да дәлелдемелер).
Мысалы, 2022 жылы инспекцияға небәрі 7 өтініш түскен; 2023 жылғы деректер жиында айтылмағаны бекер болды. Өйткені қала маңы мен шалғай ауылдардағы тұрғындарды айтпағанда, бүкіл қаладан көптеп шағым жолданып отыр.
Kcell ТӨЛЕЙДІ
Бұл ретте, Атырау қаласының маңындағы елді мекендер тұрғындарының өтініші бойынша ҚР Цифрлық даму, инновациялар және аэроғарыш өнеркәсібі министрлігі Телекоммуникациялар комитетінің Ақтөбе, Батыс Қазақстан, Маңғыстау, Атырау облыстары бойынша өңіраралық байланыс инспекциясы 13 наурыз бен 29 наурыз аралығында «Кселл» АҚ-на қатысты жоспардан тыс тексеру жүргізді. Кокарна ы/а-да, «Химик» б/қ-да, Зарослый ауылынан бұзушылықтарды анықтады.
«Тексеру нәтижесінде «Кселл» АҚ Бұйрықпен бекітілген 4G сапа көрсеткіштерінен және байланыс желілерін қамту деңгейінен ауытқуларды анықтады. Нәтижесінде аталған оператор ҚР ӘҚБтК-нің 637-бабы («ҚР байланыс саласындағы заңнамасын бұзу») бойынша әкімшілік жауапкершілікке тартылды. Сонымен қатар 6 ай мерзімде құқықбұзушылықты жою туралы ұйғарым шығарылды. Өлшеу нәтижесі бойынша дауыстық байланыста ауытқулар анықталған жоқ», - деп хабарлады байланыс инспекциясы.
Сондай-ақ, қала тұрғындарының Beeline және Altel байланыс операторларына да шағымдары бар. Егер тұрғындардың өздері жазбаша шағымдар арқылы тексеруге мүмкіндік берсе, олар да ұйғарым және айыппұл арқалайды.
Анастасия ШЕРСТЯНКИНА
«АЖ» АНЫҚТАМАСЫ
Радиофобия - кейбір жағдайларда емдеуі қиын нейросоматикалық психикалық және физиологиялық бұзылулар кешені. Бұл бұзылулар иондаушы (сәулелену) және иондамайтын электромагниттік сәулелену көздерінен қорқумен білінеді. Қазіргі әлемдегі радиофобия кез келген қолданыстағы немесе болжамды сәулелену көздері: ұялы базалық станциялардан, антенналардан, микротолқынды пештерден, смартфондардан тарайтын сәуледен қорқыныш түрінде көрінеді.